വോട്ടര്‍പട്ടികയില്‍ പേരുചേര്‍ക്കല്‍: അപേക്ഷകള്‍
സ്വയം സാക്ഷ്യപ്പെടുത്തിയാല്‍ മതിയെന്ന് കമീഷന്‍
സ്വയം സാക്ഷ്യപ്പെടുത്തിയാല്‍ മതിയെന്ന് കമീഷന്‍
നിയമസഭാ തെരഞ്ഞെടുപ്പിന് മുന്നോടിയായി വോട്ടര്‍ പട്ടികയില്‍ പേരു ചേര്‍ക്കുന്നതിനുള്ള പ്രവാസികളുടെ അപേക്ഷയോടൊപ്പം സമര്‍പ്പിക്കേണ്ട രേഖകള്‍ നയതന്ത്ര കാര്യാലയങ്ങള്‍ സാക്ഷ്യപ്പെടുത്തേണ്ടതില്ലെന്ന് തെരഞ്ഞെടുപ്പ് കമീഷന്‍. ഇതു സംബന്ധിച്ച ഉത്തരവ് വ്യാഴാഴ്ച വിവിധ ഇന്ത്യന്‍ എംബസികളില്‍ ലഭിച്ചിട്ടുണ്ട്. തെരഞ്ഞെടുപ്പ് കമീഷന്‍ പ്രസിദ്ധീകരിച്ച ഫോം നമ്പര്‍ 'ആറ്^എ' ആണ് അപേക്ഷകര്‍ പൂരിപ്പിച്ച് നല്‍കേണ്ടത്. ഇതോടൊപ്പം സമര്‍പ്പിക്കുന്ന പാസ്പോര്‍ട്ടിന്റെ പകര്‍പ്പ് സ്വയം സാക്ഷ്യപ്പെടുത്തിയാല്‍ മതിയെന്നും ഇന്ത്യന്‍ മിഷനുകളുടെ അറ്റസ്റ്റേഷന്‍ ആവശ്യമില്ലെന്നും വിദേശ രാജ്യങ്ങളിലെ ഇന്ത്യന്‍ എംബസികള്‍ വ്യാഴാഴ്ച പുറത്തിറക്കിയ വാര്‍ത്താക്കുറിപ്പില്‍ പറയുന്നു.
അപേക്ഷകള്‍ എംബസി സാക്ഷ്യപ്പെടുത്തേണ്ടതില്ലെന്ന് നേരത്തെ പ്രവാസികാര്യ മന്ത്രി വയലാര്‍ രവി വ്യക്തമാക്കിയിരുന്നെങ്കിലും തെരഞ്ഞെടുപ്പ് കമീഷന്റെ ഔദ്യോഗിക ഉത്തരവ് ലഭിക്കാത്തത് ഉദ്യോഗസ്ഥര്‍ക്കും അപേക്ഷകര്‍ക്കുമിടയില്‍ കടുത്ത ആശയക്കുഴപ്പത്തിന് കാരണമാക്കിയിരുന്നു. എംബസികള്‍ സാക്ഷ്യപ്പെടുത്താത്തവ പരിഗണിക്കാനാവില്ലെന്നും അത്തരം അപേക്ഷകള്‍ മാറ്റിവെക്കുമെന്നും മുഖ്യ തെരഞ്ഞെടുപ്പ് ഓഫിസര്‍ നളിനി നെറ്റോയും അറിയിച്ചിരുന്നു. സ്വയം സാക്ഷ്യപ്പെടുത്തിയ അപേക്ഷകള്‍ ചില താലൂക്ക് ഓഫിസുകള്‍ നിരസിക്കുകയും ചെയ്തു. യു.എ.ഇയിലെ യു.ഡി.എഫ് അനൂകൂല സംഘടനാ പ്രവര്‍ത്തകരുടെ ഏതാനും അപേക്ഷകള്‍ ഒരുമിച്ച് സമര്‍പ്പിക്കാന്‍ കൊണ്ടുപോയെങ്കിലും മലപ്പുറം ജില്ലയിലെ താലൂക്ക് ഓഫിസില്‍ നിന്ന് തിരിച്ചയച്ചിരുന്നു.
60 ദിര്‍ഹം (ഏകദേശം 740 രൂപ) മുടക്കി അപേക്ഷ സാക്ഷ്യപ്പെടുത്തി അയക്കേണ്ടതു കാരണം വോട്ടര്‍ പട്ടികയില്‍ പേരു ചേര്‍ക്കുന്നതിന് പ്രവാസികളില്‍ നിന്ന് തണുത്ത പ്രതികരണമാണുണ്ടായിരുന്നത്. തെരഞ്ഞെടുപ്പ് പ്രഖ്യാപനം വന്ന് ഒരാഴ്ചയിലേറെയായിട്ടും ഒമാന്‍, സൌദി തുടങ്ങിയ രാജ്യങ്ങളിലെ എംബസികളില്‍ ഒരു അപേക്ഷകന്‍ പോലും പാസ്പോര്‍ട്ട് സാക്ഷ്യപ്പെടുത്താന്‍ എത്തിയിരുന്നില്ല.
നാമനിര്‍ദേശക പത്രിക സമര്‍പ്പിക്കുന്നതിനുള്ള അവസാന ദിവസമായ മാര്‍ച്ച് 26 വരെയാണ് രജിസ്ട്രേഷന് അവസരം. പരിശോധനക്കും മറ്റും ഏഴ് ദിവസം ആവശ്യമായതിനാല്‍ മാര്‍ച്ച് 19നെങ്കിലും നാട്ടില്‍ ലഭിക്കുംവിധം അപേക്ഷകള്‍ അയക്കണം.
അപേക്ഷകള്‍ എംബസി സാക്ഷ്യപ്പെടുത്തേണ്ടതില്ലെന്ന് നേരത്തെ പ്രവാസികാര്യ മന്ത്രി വയലാര്‍ രവി വ്യക്തമാക്കിയിരുന്നെങ്കിലും തെരഞ്ഞെടുപ്പ് കമീഷന്റെ ഔദ്യോഗിക ഉത്തരവ് ലഭിക്കാത്തത് ഉദ്യോഗസ്ഥര്‍ക്കും അപേക്ഷകര്‍ക്കുമിടയില്‍ കടുത്ത ആശയക്കുഴപ്പത്തിന് കാരണമാക്കിയിരുന്നു. എംബസികള്‍ സാക്ഷ്യപ്പെടുത്താത്തവ പരിഗണിക്കാനാവില്ലെന്നും അത്തരം അപേക്ഷകള്‍ മാറ്റിവെക്കുമെന്നും മുഖ്യ തെരഞ്ഞെടുപ്പ് ഓഫിസര്‍ നളിനി നെറ്റോയും അറിയിച്ചിരുന്നു. സ്വയം സാക്ഷ്യപ്പെടുത്തിയ അപേക്ഷകള്‍ ചില താലൂക്ക് ഓഫിസുകള്‍ നിരസിക്കുകയും ചെയ്തു. യു.എ.ഇയിലെ യു.ഡി.എഫ് അനൂകൂല സംഘടനാ പ്രവര്‍ത്തകരുടെ ഏതാനും അപേക്ഷകള്‍ ഒരുമിച്ച് സമര്‍പ്പിക്കാന്‍ കൊണ്ടുപോയെങ്കിലും മലപ്പുറം ജില്ലയിലെ താലൂക്ക് ഓഫിസില്‍ നിന്ന് തിരിച്ചയച്ചിരുന്നു.
60 ദിര്‍ഹം (ഏകദേശം 740 രൂപ) മുടക്കി അപേക്ഷ സാക്ഷ്യപ്പെടുത്തി അയക്കേണ്ടതു കാരണം വോട്ടര്‍ പട്ടികയില്‍ പേരു ചേര്‍ക്കുന്നതിന് പ്രവാസികളില്‍ നിന്ന് തണുത്ത പ്രതികരണമാണുണ്ടായിരുന്നത്. തെരഞ്ഞെടുപ്പ് പ്രഖ്യാപനം വന്ന് ഒരാഴ്ചയിലേറെയായിട്ടും ഒമാന്‍, സൌദി തുടങ്ങിയ രാജ്യങ്ങളിലെ എംബസികളില്‍ ഒരു അപേക്ഷകന്‍ പോലും പാസ്പോര്‍ട്ട് സാക്ഷ്യപ്പെടുത്താന്‍ എത്തിയിരുന്നില്ല.
നാമനിര്‍ദേശക പത്രിക സമര്‍പ്പിക്കുന്നതിനുള്ള അവസാന ദിവസമായ മാര്‍ച്ച് 26 വരെയാണ് രജിസ്ട്രേഷന് അവസരം. പരിശോധനക്കും മറ്റും ഏഴ് ദിവസം ആവശ്യമായതിനാല്‍ മാര്‍ച്ച് 19നെങ്കിലും നാട്ടില്‍ ലഭിക്കുംവിധം അപേക്ഷകള്‍ അയക്കണം.
Courtesy:Madhyamam
0 comments:
Post a Comment