'ഖുര്ആന്റെ ദൃശ്യാവിഷ്കാരം
ചരിത്രപരമായ ആവശ്യം'
ചരിത്രപരമായ ആവശ്യം'
തലശേãരി: ഖുര്ആന്റെ ദൃശ്യാവിഷ്കാരം ചരിത്രപരമായ ആവശ്യമാണെന്ന് പ്രശസ്ത ചിത്രകാരന് പി.എസ്. കരുണാകരന് മാസ്റ്റര് അഭിപ്രായപ്പെട്ടു. തനിമ കലാസാഹിത്യവേദി സംഘടിപ്പിച്ച ഖുര്ആന് ചിത്രപ്രദര്ശനം തലശേãരി കീഴന്തിമുക്ക് ആര്ട്ട് ഗാലറിയില് ഉദ്ഘാടനം ചെയ്യുകയായിരുന്നു അദ്ദേഹം. ഖുര്ആനെ അടുത്തറിയാനും വായിക്കാനും തെറ്റിദ്ധാരണകള് നീക്കാനും ഖുര്ആന് ചിത്രങ്ങള് ഉപകരിക്കുമെന്നും ഈ മഹത്തായ ദൌത്യം ആശാവഹവും അഭിനന്ദനാര്ഹവുമാണെന്നും അദ്ദേഹം പറഞ്ഞു. ടി.കെ. ഹുസൈന് അധ്യക്ഷത വഹിച്ചു. തലശേãരി പ്രസ്ഫോറം പ്രസിഡന്റ് അനീഷ് പാതിരിയാട്, സുരേഷ് കൂത്തുപറമ്പ്, ജില്ലാ ലൈബ്രറി കൌണ്സില് മുന് പ്രസിഡന്റ് പത്മനാഭന് മാസ്റ്റര്, ജമാല് കടന്നപ്പള്ളി, കളത്തില് ബഷീര്, റഹ്മാന് മുന്നൂര് എന്നിവര് സംസാരിച്ചു. നാലുദിവസം നീണ്ടുനില്ക്കുന്ന പ്രദര്ശനം വ്യാഴാഴ്ച സമാപിക്കും. രാവിലെ 11.30 മുതല് വൈകീട്ട് എട്ടുവരെയാണ് പ്രദര്ശനം.
